حكاية هلال

شنية تعرف على الصليب الأحمر و الهلال الأحمر ؟
الحكاية بدات عام 1859، وقت اللي مواطن سويسري اسمه ” هنري دونان ” شهد على معركة بين الجيشين النمساوي و الفرنسي في بلدة سولفرينو شمال إيطاليا.
رجل الاعمال هذا تاثر برشا باللي راه : جنود من الطرفين يموتوا على خاطر ما فما حد يسعفهم… وقت رجع هنري لبلادو ألف كتاب سماه “تذكار سولفرينو ” ، دعى فيه إلى تشكيل جمعيات إغاثة في وقت السلم من جهة و حماية المتطوعين اللي يقدموا في المساعدات الطبية من جهة اخرى ..
نتيجة اذاكا عام 1863 تشكلت ” اللجنة الدولية لإغاثة المرضى ” واللي ولات بعدها ” اللجنة الدولية للصليب الأحمر ” و كانت هدفها تطبيق أفكار دونان ..
تحب تعرف بقية الحكاية ؟ ايجا بحذانا نهار الاربعاء 01 ماي بحذا كارفور بومهل من الساعة 15 للساعة 19 باش تعرف اكثر على الصليب الأحمر و الهلال الأحمر .