شباب يبادر، شباب ينجح – صفاقس

بعد نجاح النسخة الاولى من تظاهرة ” شباب يبادر.. شباب ينجح ” في تونس العاصمة و الثانية في بنزرت..
قررنا نتوسعو أكثر و نزوروا أكثر مناطق.. المرة هاذي ملتقانا باش يكون في صفاقس عاصمة الجنوب ♥
شنوة هي ” شباب يبادر.. شباب ينجح ” !؟
هي لمّة شباب باش تكون ان شاء الله نهار السبت 20 أفريل 2019 بالمعهد العالي للدراسات التكنولوجية بصفاقس ISET مع ماضي ثلاثة متاع العشية..
اللمة هاذي باش يتم عرض فيها 10 قصص نجاح متاع شباب بادروا.. و نجحوا
علاش اللمة هاذي !؟
وسط حالة اليأس الي وصللها الشباب التونسي بكل اصنافه.. قررنا نبادروا و نوصلوا قصص نجاح من الواقع.. قصص شباب منا و فينا.. خذاو المبادرة.. تحدّاو العراقيل و الصعاب الي عرضتهم و نجحوا
هي محاولة زرع الامل و روح المبادرة و الاخذ بزمام الامور من طرف الشباب
ماناش باش نكتفيو بالحديث.. باش يكونو معانا عدة مختصين في علم النفس.. علم الاجتماع و ممثل عن وزارة التكوين المهني و التشغيل و مع بعضنا نحاولوا نخرجوا بحلول تفيد الشاب التونسي في حياته المهنية
العرض هذا من تنظيم موقع Chabiba.tn و الي هو موقع الكتروني صدر حديثا باش يكون مختص في كل قضايا الشباب،، الموقع هذا يصدر بدعم من مركز دراسة الاسلام و الديمقراطية . و معانا المرة هاذي في التنظيم الإتحاد العام التونسي للطلبة
دعوة الحضور مفتوحة لجميع شابات و شبان تونس
يكفي فقط انك ترسل sms فيها اسمك و لقبك و عمرك للرقم هذا 28127574 لتأكيد حضورك
او تعمر الاستمارة هاذي
https://bit.ly/2UnaRZf
و ذلك لمحدودية طاقة استيعاب القاعة
فاش تستناو باش تكونو من الحاضرين ؟؟
الايام القادمة ان شاء الله باش يكون موجود برنامج التظاهرة اكثر تفصيل