Annonces DiversNews

IWATCH Scholarships المنح الدراسيّة لمنظّمة « أنا يقظ » 2021/2022

@
@
كلنا نعرفو إلّي الجامعة تلعب دور مهم في التغيير الإجتماعي و التنميّة و حتى في إنتاج قوى فاعلة قادرة على خدمة المجتمع، أما الحاجة الأهم و إلّي ديما ناسينها إنّو صنّاع القرار و قادة التغيير السياسي و الإقتصادي و الإجتماعي الجايين هما توّا طلبة جامعيين أغلبهم ماعندهمش لا الدعم المالي و لا المعنوي باش يبدلو الأفكار و المعاملات المشبوهة في الأونتوراج متاعهم و يحققو في نفس الوقت التوازن بين قرايتهم و نشاطهم الجمعيّاتي.
هذاكا علاش وفي إطار إستراتيجيتها لتشريك المواطنين قرّرت منظمة أنا يقظ ، تحفّز الطلبة الناشطين والحقوقيين باش يعزّزو إنخراطهم في الحياة السياسيّة و الإجتماعيّة، و تطلق برنامج لخمس منح دراسيّة، وإلّي باش تعاون فيه تقنيّا كلّ طالب ملتزم بتخصيص شويا من وقتو ومجهودو باش يبدّل و يأثر، هذا بخلاف المنحة الشهريّة المتواضعة إلّي باش تتصبلو كلّ راس شهر و إلي تقدّر بـ 300 دينار
معايير الإستحقاق:
– عمرك أقل من 30.
-مسجل حاليا في جامعة عموميّة و في أي إختصاص !
– كانك من النّاس إلي عندهم تجربة في الدفاع على قضيّة سياسيّة و إلآّ اجتماعية و إلاّ حتى إقتصاديّة !
تنويــــــــــــــــه: مش من الضروري إنّك تكون عضو في جمعيّة و إلآّ نادي باش يتمّ إختيارك.
كيفاش؟
ساهل ياسر ! باش تصب في المنحة لازم أوّلا:
– تعمّر الفورميلار هذا https://bit.ly/3mGdBNo
– مباعد تحضر سيرتك الذاتية (CV) و رسالة ترشح ( lettre de motivation) إلي مالازمهاش تفوت 1500 كلمة و إلّي لازم تحطّ فيها التصوّر متاعك و خطّة العمل متاعك في ال6 شهر الجايين.
– ملفات، مراجع، تقارير، مقالات و إلاّ فيديوهات ينجم يدعمو ترشحك ( ماهمش مفروضين أما من المحبّذ تبعثهم).
و في لخر تبعثهم على contact@iwatch.tn قبل 24 أكتوبر 2021 و ماتنساش تحط في الobjet متع المايل « IWATCH Scholarships ».
بعدما نعلنوا على أسماء أصحاب المنح، كلّ متحصّل على المنحة باش يصحّح على إلتزام يتعهد فيه بإنو باش يستغل الفلوس إلّي باش تتعطالو للصالح الإجتماعي و باش ينفّذ و يتجح برنامج العمل إلي اقترحوا !
@

Articles en relation

/* */