@

فرحة النجاح وحدها و مافماش فرحة كيما فرحة الباك
هذاكا علاش لازمنا مانخسروش تعب عام كامل و نكملوا الفرحة بتوجيه باهي و اختيار يناسبنا.
عندك أي استفسار عالتوجيه الجامعي مهما كان الاختصاص الي تخمم فيه، نهار 11 جويلية 2019 باش تلقى الجواب عند قدماء المعهد النموذجي.
كيما العادة، و الله لا يقطعلنا عادة، تنظم جمعية قدماء المعهد النموذجي بقفصة يوم توجيهي مفتوح لجميع الناجحين في امتحان الباك.
باش يكون فما ممثلين عن عديد الاختصاصات الجامعية، و باش يكون فما زادة مختصين في التوجيه الجامعي باش يقدّمولكم نصائحهم و يعطوكم فكرة على الشعب و آفاقها و سوق الشغل.
حضروا اسئلتكم و مرحبا بيكم، مستنينكم نهار 11جويلية 2019 بالمكتبة العمومية بقفصة بداية مالثمنية ونص متع الصباح.

@

Articles en relation

Chargement....