You’Think

على خاطر الغرفة الفتيّة برأس الجبل تخمّم فيكم، تلوّج على التّغيير الإيجابي فيكم وبيكم ♥، تقدملكم الفرصة، « You’Think » هي فرصتكم..
You’think هي أوّل مسابقة تخص ريادة الأعمال في راس الجبل, إي نعم ريادة الأعمال .. ماتخافوش, كيما خمّمنا في في الفرصة خمّمنا في السّبل زادا .
باش ترافقكم غرفتنا من أوّل الثّنيّة لآخرها
إنت ماعليك كان تلم أصحابك و تعملو équipe قويّة تمّن بفكرتها .. إيجاو وأحنا نوفرولكم des formateurs من أكفأ ماجابت تونس يأطروكم و يعلموكم الأساسيات باش تنجمو تحلو شركتكم الخاصة و ترتاحو من عقليّة المصمار في حيط ..أما لحظة 🚫 ماتنساوش إلي يلزم أفكار المشاريع تكون على علاقة بالفلاحة و التكنولوجيا على حد السّواء ..
وماتخافش .. حتى كان ماعندكش مع الفلاحة .. أحنا نردوك تفهم فيها ولازم ماتخرج من بحذانا كان بفكرة تقدّم بيها إنت و بلادنا ..
بالطبيعة ال équipe إلي باش تجيب أحسن فكرة و تربح باش تتحصل على جايزة و إلي هي 500 دينار .. أما المفاجأة موش هوني .. المفاجأة أنو أحسن فكرة باش تلقا طريقها نحو التّحقيق وباش تلقى التأطير و المتابعة من شريكتنا جمعية خلق و إبداع من أجل التنمية والتشغيل حتى نوصلو لمشروع واقف على ساقيه و ينقّص من عدد البطالة في البلاد ..
باش تقيّد عمّر الـForumulaire هذا و إستنّانا نكلموك في أقرب وقت 😀
https://bit.ly/2HD4iLg